Leikskólabókin mín, starf og líðan barnsins í leikskólanum
Samstarf milli leikskólakennara og foreldra er mikilvægur grunnur fyrir farsæla skólagöngu barna. Með góðu samstarfi verða foreldrar meðvitaðri um starf leikskólakennarans og nám barna sinna.
Í leikskólabók barnsins er farið yfir mikilvæga þroskaþætti og líðan barna í leikskólanum, skráðar eru hugmyndir að leiðum í samstarfi heimilis og leikskóla. Það er gert í foreldrasamtölum til að auðvelda foreldrum og kennurum að vinna saman að sameiginlegum markmiðum í menntun og uppeldi barnanna. Einnig eru upplýsingar og staðreyndir skráðar um börnin sem kennarar geta nýtt sér í starfi og samtölum.